ന്യൂഡല്‍ഹി: നരേന്ദ്ര മോദി സര്‍ക്കാര്‍ വീണ്ടും അധികാരത്തിലെത്തുമെന്നത് ഉറപ്പാണെന്ന് ബിജെപി ജനറല്‍ സെക്രട്ടറി റാം മാധവ്. ബിജെപി വീണ്ടും കരുത്തുറ്റ സര്‍ക്കാര്‍ രൂപീകരിക്കുമെന്ന് അദ്ദേഹം അവകാശപ്പെട്ടു. നാളത്തെ പരാജയത്തിന് കാരണങ്ങള്‍ കണ്ടെത്താനുള്ള ശ്രമത്തിലാണ് കോണ്‍ഗ്രസെന്ന് അദ്ദേഹം പരിഹസിച്ചു.
നേരത്തെ കോണ്‍ഗ്രസ് തെരഞ്ഞെടുപ്പ് കമ്മീഷന് എതിരെ ആരോപണമുന്നയിച്ചു, ഇപ്പോള്‍ ഇവിഎം മെഷീനുകളെ കുറ്റപ്പെടുത്തുന്നു. നാളെ അവര്‍ വോട്ടര്‍മാരെയും കുറ്റപ്പെടുത്തു.- അദ്ദേഹം പറഞ്ഞു.
നേരത്തെ വോട്ടിങ് മെഷീനുകള്‍ അട്ടിമറിക്കാന്‍ ശ്രമിക്കുന്നുവന്ന് കോണ്‍ഗ്രസ് ആരോപിച്ചിരുന്നു. വിവി പാറ്റുകള്‍ ആദ്യമെണ്ണണമെന്ന പ്രതിപക്ഷത്തിന്റെ ആവശ്യം തെരഞ്ഞെടുപ്പ് തമ്മീഷന്‍ തള്ളിയിരുന്നു. ഇതിന് പിന്നാലെയാണ് കോണ്‍ഗ്രസിനെ വിമര്‍ശിച്ച് റാം മാധവ് രംഗത്ത് വന്നിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
