ന്യൂഡല്‍ഹി: ഗുജറാത്തിലെ മുന്‍ കോണ്‍ഗ്രസ് എംഎല്‍എയും താക്കൂര്‍ വിഭാഗത്തിന്റെ നേതാവുമായ അല്‍പേഷ് താക്കൂര്‍ ബിജെപി ടിക്കറ്റില്‍ മത്സരിക്കാനൊരുങ്ങുന്നു. ഗുജറാത്ത് ഉപതെരഞ്ഞെടുപ്പിലാണ് അല്‍പേഷ് ബിജെപി ടിക്കറ്റില്‍ മത്സരിക്കുന്നത്. നേരത്തെ അദ്ദേഹം മത്സരിച്ചു വിജയിച്ച രാധന്‍പുര്‍ മണ്ഡലത്തില്‍ നിന്നുതന്നെയാവും ബിജെപി ടിക്കറ്റിലും ജനവിധി തേടുക.
കഴിഞ്ഞ ജൂലൈയിലാണ് അല്‍പേഷും മറ്റൊരു നേതാവായിരുന്ന ധവാല്‍ സിങ് സലയും കോണ്‍ഗ്രസ് വിട്ട് ബിജെപിയില്‍ ചേര്‍ന്നത്. ഇപ്പോള്‍ അല്‍പേഷിനൊപ്പം ധവാല്‍ സിങും ഉപതെരഞ്ഞെടുപ്പില്‍ ബിജെപിക്കായി കളത്തിലിറങ്ങുന്നുണ്ട്. ബയാദ് മണ്ഡലത്തില്‍ നിന്നാണ് ധവാല്‍ സിങ് ജന വിധി തേടുന്നത്.
പ്രധാനമന്ത്രി നരേന്ദ്ര മോദിയുടെ അധ്യക്ഷതയില്‍ ഞായറാഴ്ച ചേര്‍ന്ന ബിജെപിയുടെ കേന്ദ്ര തെരഞ്ഞെടുപ്പ് കമ്മിറ്റിയാണ് 38 നിയമസഭാ സീറ്റുകളിലേയ്ക്കുള്ള ബിജെപി സ്ഥാനാര്‍ത്ഥികളുടെ പട്ടിക പുറത്തുവിട്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
