ന്യൂഡൽഹി: പ്രധാനമന്ത്രി നരേന്ദ്ര മോദിക്ക് രാജ്യത്തെ പരമോന്നത ബഹുമതിയായ ഭാരതരത്ന നൽകണമെന്ന് ആവശ്യപ്പെട്ട് ബിജെപി എംപി ഗുമാൻ സിങ് ദാമോർ. മോദി യുഗപുരുഷനാണെന്നാണ് മധ്യപ്രദേശിലെ രത്ലാമിൽനിന്നുള്ള എംപിയായ ഗുമാൻ സിങ്ങിന്റെ വാക്കുകൾ. ലോക്സഭയിൽ ശൂന്യവേളയിലാണ് എംപി ഈ ആവശ്യം ഉന്നയിച്ചത്.
ജമ്മു കശ്മീരിന് പ്രത്യേക പദവി നല്കുന്ന ഭരണഘടനയുടെ 370-ാം വകുപ്പ് റദ്ദാക്കിയ നടപടിയുടെ പശ്ചാത്തലത്തിലാണ് ഗുമാൻ സിങ് ആവശ്യമുന്നയിച്ചിരിക്കുന്നത്. ഈ തീരുമാനത്തിലൂടെ രാജ്യത്തെ കോടിക്കണക്കിനു ജനങ്ങളെ മോദി സന്തോഷിപ്പിച്ചിരിക്കുകയാണെന്നും അദ്ദേഹം പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ