ന്യൂഡല്‍ഹി: ശതാബ്ദി, തേജസ് ട്രെയിനുകളുടെ ടിക്കറ്റ് നിരക്കില്‍ ഇളവ് വരുത്താന്‍ റെയില്‍വേ ഒരുങ്ങുന്നു. തിരഞ്ഞെടുത്ത റൂട്ടുകളിലെ ശതാബ്ദി, തേജസ്, ഗതിമാന്‍ എക്‌സ്പ്രസ് ട്രെയിനുകളില്‍ 25 ശതമാനം വരെ ഇളവ് നല്‍കാനാണ് ആലോചിക്കുന്നതെന്ന് പിടിഐ റിപ്പോര്‍ട്ടില്‍ പറയുന്നു.
റോഡ് വ്യോമ ഗതാഗത മേഖലകളിലെ സേവന ദാതാക്കളുമായുള്ള മത്സരം കടുത്തതോടെയാണ് ടിക്കറ്റ് നിരക്കില്‍ ഇളവ് നല്‍കാന്‍ റെയില്‍വേ നിര്‍ബന്ധിതമാകുന്നത്. എസി ചെയര്‍കാറിന്റെയും എക്‌സിക്യൂട്ടിവ് ചെയര്‍കാറിന്റെയും അടിസ്ഥാന നിരക്കിലായിരിക്കും ഇളവ് നല്‍കുക.
അതേസമയം, ജിഎസ്ടി, റിസര്‍വേഷന്‍ നിരക്ക്, സൂപ്പര്‍ ഫാസ്റ്റ് നിരക്ക് തുടങ്ങിയവ പ്രത്യേകം ഈടാക്കുകയും ചെയ്യും. കഴിഞ്ഞ വര്‍ഷം 50 ശതമാനം പോലും യാത്രക്കാരെ കിട്ടാതെ സര്‍വീസ് നടത്തിയ ട്രെയിനുകളിലായിരിക്കും പുതിയ ആനുകൂല്യം ലഭിക്കുക.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
