ലഖ്‌നൗ; വിവാഹം കഴിച്ച് 24 മണിക്കൂറിനുള്ളില്‍ ഭാര്യയെ മുത്തലാഖ് ചൊല്ലി യുവാവ്. ഉത്തര്‍പ്രദേശിലെ ബാരബന്‍കിയിലാണ് സംഭവമുണ്ടായത്. സ്ത്രീധനമായി മോട്ടോര്‍ ബൈക്ക് നല്‍കാത്തതിന്റെ ദേഷ്യത്തിലാണ് മൊഴിചൊല്ലിയത്. സംഭവത്തില്‍ ജഹാന്‍ഗിരാബാദ് സ്വദേശിയായ ഷെയിന്‍ അലത്തിനെതിരേ പൊലീസ് കേസെടുത്തു.
ജൂലൈ 13 നാണ് രുക്‌സാന ബോനൊയെ ഷെയിന്‍ വിവാഹം കഴിക്കുന്നത്. എന്നാല്‍ സ്ത്രീധനം ലഭിക്കാതെയായതോടെ 24 മണിക്കൂറിനുള്ളില്‍ ഭാര്യയെ മൊഴിചൊല്ലുകയായിരുന്നു. യുവതിയുടെ പിതാവിന്റെ പരാതിയില്‍ സ്ത്രീധന നിരോധന നിയമത്തിന്റെ കീഴില്‍ ഷെയിനിനും 12 അംഗ കുടുംബത്തിനും എതിരേ കേസ് രജിസ്റ്റര്‍ ചെയ്തു. കൂടുതല്‍ അന്വേഷണം നടത്തി നടപടിയെടുക്കുമെന്ന് പൊലീസ് സൂപ്രണ്ട് ആകാശ് തോമര്‍ വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
