ഭുജ്: ഇന്ത്യയിലേക്ക് കടക്കാൻ ശ്രമിച്ച പാക്കിസ്ഥാൻ പൗരനെ ഗുജറാത്തിലെ റാൻ ഓഫ് കച്ച് മേഖലയിൽ വച്ച് അതിർത്തി രക്ഷാസേന (ബിഎസ്എഫ്) പിടികൂടി. 30കാരനായ മൻഹർ സോത എന്നയാളാണ് ബിഎസ്എഫിന്റെ പിടിയിലായത്. പാക്കിസ്ഥാനിലെ സിന്ധ് പ്രവിശ്യയിലുള്ള ഉമര്‍കോട്ട് സ്വദേശിയാണ് ഇയാള്‍.
അതിർത്തിവേലിയില്ലാത്ത ഭാഗത്തുകൂടി ഇന്ത്യയിലേക്ക് കടക്കാൻ ശ്രമിക്കുന്നതിനിടെയാണ് പട്രോളിംഗ് ഡ്യൂട്ടിയിലുണ്ടായിരുന്ന സംഘം ഇയാളെ പിടികൂടിയത്. ബിഎസ്എഫ് ഉദ്യോഗസ്ഥർ ഇയാളെ വിശദമായി ചോദ്യം ചെയ്തുവരികയാണ്. ഇയാളില്‍ നിന്ന് ഒന്നും കണ്ടെടുത്തിട്ടില്ലെന്ന് ബഎസ്എഫ് അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
