ഹിമാചൽപ്രദേശ്: തകരാറിലായ ഹെലികോപ്റ്ററിന്റെ പ്രശ്നം പരിഹരിക്കുന്ന കോൺഗ്രസ് അധ്യക്ഷൻ രാഹുൽ ഗാന്ധിയുടെ ചിത്രമാണ് സമൂഹമാധ്യമങ്ങളിൽ വൈറലാകുന്നത്. ഹിമാചൽ പ്രദേശിലെ ഉനയിൽ പ്രചരണത്തിന് എത്തിയപ്പോഴാണ് രാഹുൽ സഞ്ചരിച്ച ഹെലികോപ്റ്റർ തകരാറിലായത്. ഇതേത്തുടർന്ന് തകരാറ് മാറ്റാൻ മുന്നിട്ടിറങ്ങുകയായിരുന്നു രാഹുൽ.
രാഹുൽ തന്നെയാണ് തന്റെ ഔദ്യോഗിക ഇൻസ്റ്റഗ്രാം പേജിലൂടെ ചിത്രം പങ്കുവച്ചതും. എല്ലാവരും ഒത്തൊരുമിച്ച് പ്രശ്നം പരിഹരിച്ചെന്നും ഗുരുതരമായ തകരാറായിരുന്നില്ലെന്നും രാഹുൽ ചിത്രത്തോടൊപ്പം കുറിച്ചു.
‘നല്ല ടീംവർക്ക് എന്നാൽ ഒത്തൊരുമയോടെ എല്ലാ കൈകളും ജോലിചെയ്യുന്നതാണ്. ഹിമാചൽ പ്രദേശിലെ ഉനയിൽ വച്ച് ഞങ്ങളുടെ ഹെലികോപ്റ്ററിനു തകരാറുണ്ടായി. ഒരുമിച്ച് ആ പ്രശ്നം ഞങ്ങൾ പെട്ടെന്ന് പരിഹരിച്ചു. ഗുരുതരമായ തകരാറായിരുന്നില്ല’– ചിത്രത്തോടൊപ്പം രാഹുൽ കുറിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ