ലഖ്‌നൗ: ലോക്‌സഭാ തിരഞ്ഞെടുപ്പിന്റെ വോട്ടെണ്ണല്‍ നടന്ന മെയ് 23 ന് ഉത്തര്‍പ്രദേശിലെ ഗോണ്ടയില്‍ മുസ്‌ലിം കുടുംബത്തില്‍ ജനിച്ച കുഞ്ഞിന് നരേന്ദ്രമോദിയെന്ന് പേരിട്ട് മാതാപിതാക്കള്‍. മോദിയുടെ നേതൃത്വത്തില്‍ എന്‍ഡിഎ വന്‍ വിജയം നേടി വീണ്ടും അധികാരത്തിലെത്താനിരിക്കെയാണിത്.
ഗോണ്ട സ്വദേശിനി മെനാജ് ബീഗത്തിനാണ് മെയ് 23 ന് ആണ്‍കുഞ്ഞ് ജനിച്ചത്. സന്തോഷ വാര്‍ത്ത അറിയിക്കാന്‍ അവര്‍ ഉടന്‍തന്നെ ദുബായിലുള്ള ഭര്‍ത്താവിനെ ഫോണില്‍ വിളിച്ചു. നരേന്ദ്രമോദി ജയിച്ചുവോ എന്നാണ് ഫോണെടുത്തയുടന്‍ ഭര്‍ത്താവ് തന്നോട് ചോദിച്ചതെന്ന് മനാജ് ബീഗം പറയുന്നു. ഇതോടെ കുഞ്ഞിന് നരേന്ദ്രമോദി എന്ന പേരുനല്‍കാന്‍ ഇരുവരും തീരുമാനമെടുക്കുകയായിരുന്നു.
മോദിയെപ്പോലെ തന്റെ മകനും നല്ലകാര്യങ്ങള്‍ ചെയ്യണമെന്നും വിജയം വരിക്കണമെന്നുമാണ് ആഗ്രഹിക്കുന്നതെന്ന് കുട്ടിയുടെ അമ്മ വാര്‍ത്താ ഏജന്‍സിയോട് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
