കൊല്ക്കത്ത: പശ്ചിമ ബംഗാള് മുഖ്യമന്ത്രി മമതാ ബാനര്ജിയുടെ വാഹനം തടഞ്ഞ് ബിജെപി പ്രവര്ത്തകര്. ജയ് ശ്രീ റാം എന്ന് വിളിച്ച് ഒരു സംഘമാളുകള് മമതയുടെ വാഹനം തടയുകയായിരുന്നു. കാറില് കയറാന് ശ്രമിക്കുന്നതിനിടെയാണ് പശ്ചിമബംഗാള് മുഖ്യമന്ത്രിയുടെ വാഹനം തടഞ്ഞത്.
ക്ഷുഭിതയായ മമത ഉടന് തന്നെ കാറില് നിന്നും പുറത്തിറങ്ങി ബിജെപി പ്രവര്ത്തകര്ക്കെതിരെ തിരിഞ്ഞു. ബംഗാളിന് പുറത്തുള്ളവരാണ് തന്നെ ആക്രമിക്കാന് ശ്രമിച്ചതെന്നാണ് മമത പറഞ്ഞത്. 'അവരെല്ലാം പുറത്തുള്ളവരും കുറ്റവാളികളും ബിജെപി പ്രവര്ത്തകരുമാണ്. അവര് ബംഗാളില് നിന്നുളളവരല്ല'- മമത ബാനര്ജി പ്രതികരിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ