ലക്നൗ: ഉത്തര്പ്രദേശ്, ത്രിപുര സംസ്ഥാനങ്ങളില് നടന്ന ഉപതെരഞ്ഞെടുപ്പുകളില് ബിജെപിക്ക് വിജയം. ഉത്തര്പ്രദേശിലെ ഹമിര്പുര് മണ്ഡലത്തില് ബിജെപിയുടെ യുവ്രാജ് സിംഗ് 17,000ലധികം വോട്ടുകളുടെ ഭൂരിപക്ഷത്തിലാണ് വിജയിച്ചത്. യുവ്രാജ് സിംഗ് 74,3748 വോട്ടുകള് നേടിയപ്പോള് എതിര് സ്ഥാനാര്ത്ഥി സമാജ്വാദി പാര്ട്ടിയുടെ മനോജ് പ്രജാപതിക്ക് 56,528 വോട്ടുകള് നേടാനേ സാധിച്ചുള്ളൂ.
ത്രിപുരയിലെ ബധാര്ഗട്ടില് നടന്ന ഉപതെരഞ്ഞെടുപ്പില് ബിജെപിയുടെ മിമി മജുംദാര് വിജയിച്ചു. വോട്ടെണ്ണല് ആരംഭിച്ച ഘട്ടം മുതല് വ്യക്തമായ ഭൂരിപക്ഷം കാത്തു സൂക്ഷിച്ച ബിജെപി സ്ഥാനാര്ത്ഥി 5260 വോട്ടുകള്ക്കാണ് സിപിഎമ്മിന്റെ ബുള്ട്ടി ബിശ്വാസിനെ പരാജയപ്പെടുത്തിയത്. മിമി മജുംദാര് 20,471 വോട്ടുകള് നേടിയപ്പോള് ബുള്ട്ടി ബിശ്വാസ് 15,211 വോട്ടുകളില് ഒതുങ്ങി. കോണ്ഗ്രസ് സ്ഥാനാര്ത്ഥി 9,101 വോട്ടുകളോടെ മൂന്നാമതായി.
കഴിഞ്ഞ നിയമസഭ തെരഞ്ഞെടുപ്പില് ഉത്തര്പ്രദേശും ത്രിപുരയും ബിജെപി തൂത്തുവാരിയിരുന്നു. ഇടതു കോട്ടയായിരുന്ന ത്രിപുര ബിപ്ലപ് കുമാര് ദേവിന്റെ നേതൃത്വത്തില് ബിജെപി പിടിച്ചെടുത്തിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ