മുംബൈ: മഹാരാഷ്ട്രയില് നാല് മലയാളി നഴ്സുമാര്ക്ക് കൂടി കോവിഡ് 19 സ്ഥിരീകരിച്ചു. മുംബൈയിലെ ഭാട്യ ആശുപത്രിയിലെ ഒരു നഴ്സിനും വൊക്കാഡ് ആശുപത്രിയിലെ രണ്ട് പേര്ക്കുമാണ് കൊറോണ സ്ഥിരീകരിച്ചത്. പുനെയില് ഒരു മലയാളി നഴ്സിനും കൊറോണ ബാധ സ്ഥിരീകരിച്ചു. ഇവര് പുനെയില് റൂബി ഹാള് ആശുപത്രിയിലാണ് ജോലിചെയ്യുന്നത്.
നിലവില് നൂറിലധികം ആരോഗ്യപ്രവര്ത്തകര്ക്കാണ് മഹാരാഷ്ട്രയില് കൊറോണ സ്ഥിരീകരിച്ചിട്ടിരിക്കുന്നത്. 60 നഴ്സുമാരും പത്തു ഡോക്ടര്മാരും ഇതില് ഉള്പ്പെടുന്നു. ബാക്കിയുള്ളവര് കാര്ഡിയാക്, പത്തോളജി ലാബുകളിലെ ടെക്നീഷ്യന്മാരും ശുചീകരണമേഖലയില് ഉള്പ്പെടുന്നവരുമാണ്. കൊറോണ ബാധിച്ച നഴ്സുമാരില് അമ്പതോളം പേര് കേരളത്തില്നിന്നുള്ളവരാണ്. കഴിഞ്ഞ വെള്ളിയാഴ്ചമാത്രം 19 ആരോഗ്യപ്രവര്ത്തകര്ക്ക് രോഗം സ്ഥിരീകരിച്ചിരുന്നു.
മഹാരാഷ്ട്രയില് ഇന്നലെ 134 പേര്ക്കാണ് പുതുതായി രോഗം സ്ഥിരീകരിച്ചത്. ഇതോടെ ഇവിടുത്തെ രോഗികളുടെ എണ്ണം 1895 ആയി. രാജ്യത്ത് കോവിഡ് മരണം 308 ആയി ഉയര്ന്നു. 24 മണിക്കൂറിനിടെ 35 പേര് മരിച്ചു. നിലവില് 9000പേര്ക്കാണ് രോഗം ബാധിച്ചിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ