റദ്ദാക്കപ്പെട്ട ടിക്കറ്റുകൾക്ക് പണം തിരികെ നൽകില്ലെന്ന് വിമാനക്കമ്പനികൾ
മുംബൈ: റദ്ദാക്കപ്പെട്ട വിമാന സർവീസുകളുടെ ടിക്കറ്റ് പണം യാത്രക്കാർക്ക് തിരികെ നൽകില്ലെന്ന് വിമാനക്കമ്പനികൾ. മറ്റ് ചാർജുകൾ ഈടാക്കാതെ ടിക്കറ്റ് മറ്റൊരു ദിവസത്തേക്ക് മാറ്റിനൽകാമെന്ന് കമ്പനികൾ അറിയിച്ചു. ലോക്ക്ഡൗൺ നീട്ടിയ സാഹചര്യത്തിലാണ് തീരുമാനം.
ആദ്യ ഘട്ടത്തിൽ ലോക്ക്ഡൗൺ പ്രഖ്യാപിച്ചിരുന്നത് ഏപ്രിൽ 14 വരെ ആയിരുന്നതിനാൽ ഇതിനുശേഷം വിമാന സർവീസുകൾ പുനരാരംഭിക്കും എന്നാണ് പ്രതീക്ഷിച്ചിരുന്നത്. അതിനാൽ ടിക്കറ്റ് ബുക്കിങ് നടത്തിയിരുന്നു.
അതേസമയം മെയ് 3 വരെ ലോക്ക്ഡൗൺ നീട്ടിയ സാഹചര്യത്തിൽ അന്നുവരെയുള്ള എല്ലാ സർവീസുകളും റദ്ദാക്കപ്പെട്ടു. അതിനാലാണ് ബുക്ക് ചെയ്ത ടിക്കറ്റുകൾ സംബന്ധിച്ച് വിമാനകമ്പനികൾ തിരൂമാനം അറിയിച്ചിരിക്കുന്നത്. റീ ബുക്കിംഗ് സമയത്ത് നിരക്കിൽ വ്യത്യാസമുണ്ടെങ്കിൽ അത് നൽകേണ്ടിവരുമെന്ന് ചില കമ്പനികൾ അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ