ഭോപ്പാല്‍: ലോക്ക്ഡൗണിനിടെ കാഴ്ച ശക്തിയില്ലാത്ത ബാങ്ക് ഉദ്യോഗസ്ഥ വീട്ടില്‍ ബലാത്സംഗത്തിന് ഇരയായി. 53കാരിയുടെ പരാതിയില്‍ പൊലീസ് കേസെടുത്ത് അന്വേഷണം ആരംഭിച്ചു. മധ്യപ്രദേശിലെ ഭോപ്പാലിനടുത്ത് ഷാഹ്പുരയിലാണ് ഞെട്ടിക്കുന്ന സംഭവം.
ലോക്ക്ഡൗണ്‍ കാരണം ഭര്‍ത്താവും കുടുംബവും രാജസ്ഥാനില്‍ കുടുങ്ങിക്കിടക്കുന്നതിനിടെയാണ് 53കാരി ക്രൂരതയ്ക്ക് ഇരയായത്. ഇവര്‍ വീട്ടില്‍ തനിച്ചായിരുന്നു. ഉറങ്ങുന്ന സമയത്ത് അജ്ഞാതനായ ഒരാള്‍ തന്റെ മുറിയില്‍ പ്രവേശിച്ച് ബലാത്സംഗം ചെയ്യുകയായിരുന്നു എന്ന് അവര്‍ പരാതിയില്‍ പറയുന്നു.
സംഭവത്തെക്കുറിച്ച് അന്വേഷണം നടക്കുകയാണെന്ന് അസിസ്റ്റന്റ് സൂപ്രണ്ട് ഓഫ് പൊലീസ് സഞ്ജയ് സാഹു വ്യക്തമാക്കി. പ്രതി ബാല്‍ക്കണി വഴി അവരുടെ മുറിയില്‍ പ്രവേശിച്ചിരിക്കാമെന്നാണ് പൊലീസ് നിഗമനം. ആരാണെന്നതിനെക്കുറിച്ച് ഒരു സൂചനകളും ഇതുവരെ ലഭിച്ചിട്ടില്ലെന്നും പൊലീസ് വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
