ഭുവനേശ്വര്‍: 17കാരിയുടെ മോര്‍ഫ് ചെയ്ത ചിത്രം സമൂഹമാധ്യമങ്ങളില്‍ വൈറലായതിന് പിന്നാലെ അമ്മ ജീവനൊടുക്കി. ജയ്പൂര്‍ ജില്ലയിലെ ബനാപ്പൂര്‍ ഗ്രാമത്തിലെ 48കാരിയാണ് ആത്മഹത്യ ചെയ്തത്.
പെണ്‍കുട്ടിയുടെ ബന്ധുക്കളുടെ പരാതിയുടെ അടിസ്ഥാനത്തില്‍ സമൂഹമാധ്യമങ്ങളില്‍ മോര്‍ഫ് ചെയ്ത ചിത്രം പ്രചരിപ്പിച്ചതിന് രണ്ടു പേരെ പൊലീസ് അറസ്റ്റ് ചെയ്തു. 24കാരനാണ് കേസിലെ മുഖ്യപ്രതി. പെണ്‍കുട്ടിയുമായി ഇയാള്‍ സൗഹൃദത്തിലായിരുന്നു. ഈ സമയത്ത് കൈക്കലാക്കിയ ഫോട്ടോ മോര്‍ഫ് ചെയ്താണ് ഇയാള്‍ സമൂഹമാധ്യമങ്ങളില്‍ പ്രചരിപ്പിച്ചത്.
യുവാവുമായി ശാരീരിക ബന്ധത്തിന് തയ്യാറാകാത്തതിനെ തുടര്‍ന്ന് ഇയാള്‍ പെണ്‍കുട്ടിയുടെ മോര്‍ഫ് ചെയ്ത ചിത്രം ഫെയ്‌സ്ബുക്കില്‍ പ്രചരിപ്പിക്കുകയായിരുന്നു. ഫെയ്ക്ക് പ്രൊഫൈല്‍ വഴിയാണ് പെണ്‍കുട്ടിയുടെ ചിത്രം പ്രചരിപ്പിച്ചത്. ചിത്രം സമൂഹമാധ്യമങ്ങളില്‍ വൈറലായതിന് പിന്നാലെ പെണ്‍കുട്ടിയുടെ ഒരു സുഹൃത്ത് ബന്ധുക്കളെ അറിയിച്ചു. ഇതിന് പിന്നാലെ അമ്മ വീട്ടില സീലിങ് ഫാനില്‍ ആത്മഹത്യ ചെയ്യുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
