ന്യൂഡല്‍ഹി: ഗുജറാത്തില്‍ ബിജെപിക്ക് പുതിയ പ്രസിഡന്റ്. ലോക്‌സഭാ അംഗമായ സിആര്‍ പാട്ടിലിനെ പ്രസിഡന്റായി തെരഞ്ഞെടുത്തതായി ദേശീയ പ്രസിഡന്റ് ജെപി നഡ്ഡ അറിയിച്ചു.
ജിതേന്ദ്രഭായ് വാഘാനിയുടെ കാലാവധി കഴിഞ്ഞതിനെ തുടര്‍ന്നാണ് പുതിയ പ്രസിഡന്റിനെ തെരഞ്ഞെടുത്തത്. ഗുജറാത്തിലെ നവ്‌സാരി മണ്ഡലത്തില്‍ നിന്നുള്ള എംപിയാണ് സിആര്‍ പാട്ടീല്‍.
പ്രധാനമന്ത്രി നരേന്ദ്രമോദിയുടെ വാരാണസി മണ്ഡലത്തിലെ വികസന പ്രവര്‍ത്തനങ്ങള്‍ ഏകോപിപ്പിക്കുന്ന ചുമതലയും പട്ടീല്‍ നിര്‍വഹിച്ചിരുന്നു.
ഗുജറാത്തില്‍ ഏറെ ജനസ്വാധീനമുള്ള നേതാക്കളില്‍ ഒരാളാണ് പാട്ടീല്‍. കഴിഞ്ഞ രണ്ട് ലോക്‌സഭാ തെരഞ്ഞടുപ്പുകളിലും ഇദ്ദേഹത്തിന്റെ ഭൂരിപക്ഷം അഞ്ച് ലക്ഷത്തിലധികമായിരുന്നു. മോദിയും അമിത്ഷായും കഴിഞ്ഞാല്‍ വോട്ടെടുപ്പില്‍ ഗുജറാത്തില്‍ ഏറ്റവും വലിയ വിജയം നേടിയത് പാട്ടീലാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
