മയില് പീലി വിടര്ത്തിയാടുന്നത് കണ്ടാല് നോക്കി നില്ക്കാത്തവരായി ആരുണ്ടാകും. ആരും ഉണ്ടാകില്ലെന്നാണ് ഉത്തരം. മനുഷ്യനുമായി വളരെ എളുപ്പത്തില് ചങ്ങാത്തം കൂടാത്തവരാണ് മയിലുകള്. എന്നാല് ഈ വിഡിയോ കണ്ടാല് ആ പറച്ചിലില് കാര്യമില്ലെന്ന് വ്യക്തമാകും. എത്തിരാജന് ശ്രീനിവാസനാണ് ഇത്തരത്തില് ഒരു വീഡിയോ ട്വിറ്ററില് ഷെയര് ചെയ്തത്.
ഈ മയിലിന്റെ പീലിക്ക് അഞ്ചടി നീളമുണ്ടെന്നും താന് കണ്ടതില് വച്ച് ഏറ്റവും നീളമുളള പീലിയാണിതെന്നും അദ്ദേഹം പറയുന്നു. മയില് അദ്ദേഹത്തിന്റെ കൈയില് നിന്ന് അരിമണി കൊത്തിതിന്നുന്ന 45 സെക്കന്റ് ദൈര്ഘ്യമുള്ള വീഡിയോയാണ് അദ്ദേഹം പങ്കുവെച്ചത്. വീഡിയോ പങ്കുവെച്ചതിന് പിന്നാലെ ആയിരക്കണക്കിനാളുകളാണ് വീഡിയോ കണ്ടതും ഷെയര് ചെയ്തതും.
നിരവധി പേരാണ് വീഡിയോയ്ക്ക് കമന്റുമായി രംഗത്തെത്തിയത്. അതില് തന്നെ ചില രസകരമായ കമന്റുകളുമുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ