ലഖ്നൗ: പത്ത് വയസുകാരിയെ പീഡിപ്പിച്ച കേസിൽ 14കാരൻ അറസ്റ്റിൽ. ഉത്തർപ്രദേശിലെ ഗദ്ദംപുരിലെ ഒരു ഗ്രാമത്തിലാണ് പെൺകുട്ടി പീഡനത്തിനിരയായത്. മാതാപിതാക്കളുടെ പരാതിയെത്തുടർന്ന് പൊലീസെത്തി 14കാരനെ പിടികൂടുകയായിരുന്നു. പൊലീസെത്തും മുൻപ് നാട്ടുകാരും ബന്ധുക്കളും ചേർന്ന് 14കാരനെ മർദ്ദിച്ചിരുന്നു.
വെള്ളിയാഴ്ച ഉച്ചയ്ക്ക് ഗ്രാമത്തിലെ പുഴക്കരയിൽ കാലികളെ മേയ്ക്കാൻ പോയ പെൺകുട്ടിയെയാണ് 14 കാരൻ പീഡിപ്പിച്ചത്. പെൺകുട്ടിയെ കയറിപ്പിടിക്കുകയും പിന്നാലെ ലൈംഗികമായി പീഡിപ്പിക്കുകയുമായിരുന്നു. വീട്ടിൽ തിരിച്ചെത്തിയ പെൺകുട്ടി ഇക്കാര്യം മാതാപിതാക്കളോടും ബന്ധുക്കളോടും പറഞ്ഞു. തുടർന്നാണ് മാതാപിതാക്കൾ പരാതി നൽകിയത്.
വൈദ്യ പരിശോധനയിൽ പെൺകുട്ടി പീഡനത്തിനിരയായെന്ന് തെളിഞ്ഞു. 14 കാരനെ കോടതിയിൽ ഹാജരാക്കിയ ശേഷം ജുവനൈൽ ഹോമിലേക്ക് മാറ്റുമെന്ന് പൊലീസ് അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ