റായ്പൂര് : ഛത്തീസ്ഗഡ് മുന് മുഖ്യമന്ത്രി അജിത് ജോഗിയുടെ ആരോഗ്യനില അതീവ ഗുരുതരമെന്ന് മെഡിക്കല് ബുള്ളറ്റിന്. അദ്ദേഹത്തിന്റെ മസ്തിഷ്കം പ്രവര്ത്തനരഹിതമാണ്. വെന്റിലേറ്ററിന്റെ സഹായത്തോടെയാണ് ശ്വസിക്കുന്നതെന്നും ഇന്നു രാവിലെ പുറത്തിറക്കിയ മെഡിക്കല് ബുള്ളറ്റിനില് ഡോക്ടര്മാര് വ്യക്തമാക്കി.
ശരീരം പ്രതികരിക്കാത്തതിനെ തുടര്ന്ന് മരുന്നുകളുടെ അളവ് അടുത്ത 24 മണിക്കൂര് നേരത്തേക്ക് കുറച്ചതായി ഡോക്ടര്മാര് അറിയിച്ചു. അദ്ദേഹം അബോധാവസ്ഥയില് തുടരുകയാണ്. അജിത് ജോഗിയുടെ ആരോഗ്യനില ആശങ്കാജനകമായി തുടരുകയാണെന്നും ഡോക്ടര്മാര് സൂചിപ്പിച്ചു.
റായ്പൂരിലെ ശ്രീനാരായണ ഹോസ്പിറ്റലിലാണ് അജിത് ജോഗി ചികില്സയിലുള്ളത്. ശനിയാഴ്ച രാവിലെ വീട്ടില് അബോധാവസ്ഥയിലായതിനെ തുടര്ന്നാണ് അജിത് ജോഗിയെ ആശുപത്രിയില് പ്രവേശിപ്പിച്ചത്. ഇതിനിടെ ഇദ്ദേഹത്തിന് ഹൃദയാഘാതവും ഉണ്ടായി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ