ന്യൂഡല്ഹി: വിദേശ രാജ്യങ്ങളിലുള്ള ഇന്ത്യക്കാരെ നാട്ടിലെത്തിക്കുന്ന വന്ദേഭാരത് ദൗത്യത്തിന്റെ രണ്ടാം ഘട്ടം ഈ മാസം 16 മുതല് 22 വരെ നടക്കും. 31 രാജ്യങ്ങളില് നിന്നായാണ് ഇന്ത്യക്കാരെ നാട്ടിലെത്തിക്കുന്നത്. 149ഓളം വിമാന സര്വീസുകളാണ് ഉണ്ടാകുക. നേരിട്ടുള്ള വിമാന സര്വീസുകള്ക്കൊപ്പം മറ്റ് രാജ്യങ്ങെ ബന്ധിപ്പിച്ചുള്ള സര്വീസുകളും പരിഗണനയിലുണ്ട്.
കേരളത്തിലേക്ക് മാത്രം 19 രാജ്യങ്ങളില് നിന്ന് ആളുകളെത്തും. യുഎസ്എ, യുഎഇ, സൗദി അറേബ്യ, യുകെ, ഒമാന്, മലേഷ്യ, ഓസ്ട്രേലിയ, യുക്രൈന്, ഖത്തര്, ഇന്തോനേഷ്യ, റഷ്യ, ഫിലിപ്പെയ്ന്സ്, ഫ്രാന്സ്, അയര്ലന്ഡ്, കുവൈറ്റ്, തജിക്കിസ്ഥാന്, ബഹ്റൈന്, അര്മേനിയ, ഇറ്റലി തുടങ്ങിയ രാജ്യങ്ങളില് നിന്നായിരിക്കും കേരളത്തിലേക്ക് വിമന സര്വീസ്.
രണ്ട് ഘട്ടമായുള്ള രക്ഷാ ദൗത്യത്തിനാണ് കേന്ദ്ര സര്ക്കാര് പദ്ധതിയിട്ടിരിക്കുന്നത്. ഇതിന്റെ തുടര് നടപടികളിലേക്കാണ് സര്ക്കാര് നീങ്ങുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ