കോവിഡ് ബാധിതരുടെ എണ്ണത്തില് കര്ണാടക നാലാം സ്ഥാനത്ത്; ഡല്ഹിയേക്കാള് ഏഴുമടങ്ങ് രോഗികള് ചികിത്സയില്
ബംഗളൂരു: കോവിഡ് വ്യാപനം രൂക്ഷമായി നേരിടുന്ന കര്ണാടക കോവിഡ് ബാധിതരുടെ എണ്ണത്തില് നാലാം സ്ഥാനത്ത്. ഡല്ഹിയെ മറികടന്നാണ് കര്ണാടക നാലാം സ്ഥാനത്ത് എത്തിയത്. മഹാരാഷ്ട്ര, തമിഴ്നാട്, ആന്ധ്രാപ്രദേശ് എന്നി സംസ്ഥാനങ്ങളാണ് കര്ണാടകയ്ക്ക് മുകളില്.
നിലവില് കര്ണാടകയില് 1.4 കോവിഡ് കേസുകളാണ് ഉളളത്. ഡല്ഹിയില് 1,38,482 പേര്ക്കാണ് ഇതുവരെ കോവിഡ് സ്ഥിരീകരിച്ചത്. ചികിത്സയില് കഴിയുന്നവരുടെ എണ്ണത്തില് ഡല്ഹിയേക്കാള് ഏഴുമടങ്ങ് മുകളിലാണ് കര്ണാടക.
ഒരു മാസത്തിനിടെയാണ് കര്ണാടകയില് സ്ഥിതി വഷളായത്. നിലവില് സംസ്ഥാനത്ത് 74,477 രോഗികളാണ് ചികിത്സയില് കഴിയുന്നത്. ഡല്ഹിയില് ഇത് 10.207 ആണ്.രോഗമുക്തി നേടുന്നവരുടെ എണ്ണത്തിലും കര്ണാടക പിന്നിലാണ്. ഇതുവരെ 62,500 പേരാണ് രോഗമുക്തി നേടി ആശുപത്രി വിട്ടത്. ഡല്ഹിയില് ഇത് 1.24 ലക്ഷമാണ്.
കര്ണാടകയില് മരണസംഖ്യയും ഉയര്ന്നിട്ടുണ്ട്. 2500ലധികം പേരാണ് കോവിഡിനെ തുടര്ന്ന് മരിച്ചത്. എന്നാല് മരണസംഖ്യയില് ഡല്ഹിയാണ് മുന്നിലാണ്. കര്ണാടകയെ അപേക്ഷിച്ച് ഏകദേശം ഇരട്ടിവരും.ഡല്ഹിയില് 4000 പേരാണ് ഇതുവരെ കൊറോണ വൈറസ് ബാധയെ തുടര്ന്ന് മരിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ