ലക്‌നൗ: ഉത്തര്‍പ്രദേശില്‍ നവവധു പണവും സ്വര്‍ണാഭരണങ്ങളുമായി മുങ്ങിയതായി യുവാവിന്റെ പരാതി. 70,000 രൂപയും സ്വര്‍ണാഭരണങ്ങളുമായി തന്റെ വീട്ടില്‍ നിന്ന് മുങ്ങിയതായി വരനാണ് പൊലീസില്‍ പരാതി നല്‍കിയത്.
ഉത്തര്‍പ്രദേശിലെ ഷാംലിയിലാണ് സംഭവം. നവംബര്‍ 25നായിരുന്നു വിവാഹം. കല്യാണം കഴിഞ്ഞ് ഒരു മാസം തികഞ്ഞ് ഡിസംബര്‍ 26 രാത്രിയിലാണ് പണവും സ്വര്‍ണാഭരണങ്ങളുമായി വധു മുങ്ങിയതെന്ന് യുവാവിന്റെ പരാതിയില്‍ പറയുന്നു. ബാഗ്പത് സ്വദേശിനിയാണ് ഭാര്യ.
ബാഗ്പത്തില്‍ പോയി ഭാര്യ എത്തിയിട്ടുണ്ടോ എന്ന് അന്വേഷിച്ചുവെങ്കിലും കണ്ടെത്താന്‍ സാധിച്ചില്ല. യുവതിയെ കാണാനില്ലെന്നാണ് വീട്ടുകാരുടെ വിശദീകരണമെന്ന് ഭര്‍ത്താവ് പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
