ദുബായ്: ദുബായിയില് യുവതിയെ കയറിപ്പിടിച്ച ഇന്ത്യക്കാരന് മൂന്ന് മാസം ജയില് ശിക്ഷ. ഒരു ഷോപ്പിങ് മാളില്വെച്ചാണ് ഇന്ത്യക്കാരന് യുവതിയെ കയറിപ്പിടിച്ചത്. കഴിഞ്ഞ ഓഗസ്റ്റിലായിരുന്നു സംഭവം.
മുപ്പത്തിയഞ്ചുകാരിയായ സിറിയന് യുവതി കുട്ടികള്ക്കൊപ്പം ഷോപ്പിങ് മാളിലെത്തിയപ്പോഴാണ് സംഭവമെന്ന് ഖലീജ് ടൈംസ് റിപ്പോര്ട്ട് ചെയ്യുന്നു. മാളില് എത്തിയപ്പോള് ആയാള് തന്നെ പിന്തുടര്ന്നതായും അയാള് തന്റെ ശരീരത്തിലേക്ക് ഉറ്റുനോക്കിയതായും യുവതി പറയുന്നു.
ഒരുകളിപ്പാട്ടക്കടയുടെ മുന്നില് എത്തിയപ്പോള് അയാള് തന്റെ തൊട്ടടുത്തെത്തി. ദേഷ്യത്തോടെ ഞാന് ഒച്ചവെച്ചപ്പോള് അയാള് തന്നെ കയറിപ്പിടിക്കുകയായിരുന്നെന്ന് യുവതി പറഞ്ഞു.
സംഭവത്തിന് പിന്നാലെ മാളിലെ കച്ചവടക്കാരും ആളുകളും ഓടിയെത്തി. പ്രതിയെ പൊലീസില് ഏല്പ്പിച്ചു. ചോദ്യം ചെയ്യിലിനിടെ പ്രതി കുറ്റം സമ്മതിച്ചു. മൂന്ന് മാസത്തെ ജയില് ശിക്ഷയ്ക്ക് ശേഷം ഇയാളെ നാടുകടത്തും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ