ഹൈദരാബാദ്: ആന്ധ്രാപ്രദേശില്‍ ഇന്ന് പ്രതിദിനം രേഖപ്പെടുത്തുന്നതില്‍ ഏറ്റവും ഉയര്‍ന്ന കോവിഡ് കണക്കുകള്‍. 24 മണിക്കൂറിനിടെ ആയിരത്തോളം കോവിഡ് രോഗികളെയാണ് കണ്ടെത്തിയത്. 998 പേരെയാണ് പുതുതായി ആശുപത്രികളില്‍ പ്രവേശിപ്പിച്ചത്. ഈ സമയത്ത് 14 പേര്‍ക്ക് മരണം സംഭവിച്ചതായും കണക്കുകള്‍ വ്യക്തമാക്കുന്നു.
നിലവില്‍ സംസ്ഥാനത്ത് 18,697 പേര്‍ക്കാണ് കോവിഡ് സ്ഥിരീകരിച്ചത്. ഇതില്‍ 10,043 പേര്‍ വിവിധ ആശുപത്രികളില്‍ ചികിത്സയില്‍ കഴിയുകയാണ്. 232 പേരാണ് ഇതുവരെ കോവിഡ് ബാധിച്ച് മരിച്ചത്.
കഴിഞ്ഞ ഒരാഴ്ചയായി സംസ്ഥാനത്ത് കോവിഡ് കേസുകള്‍ ഗണ്യമായി ഉയരുകയാണ്. ശനിയാഴ്ച 765 കേസുകളാണ് റിപ്പോര്‍ട്ട് ചെയ്തത്. ഇന്ന് ഇത് ആയിരത്തിലേക്ക് എത്തിയിരിക്കുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
