ഹൈദരാബാദ്: മദ്യലഹരിയില്‍ എന്‍ജിനീയര്‍ അമിതവേഗതയില്‍ ഓടിച്ച ആഢംബര കാര്‍ ദമ്പതികളെ ഇടിച്ചുതെറിപ്പിച്ചു. സിഗ്നല്‍ ലംഘിച്ച് മുന്നോട്ടെടുത്ത ആഢംബര കാര്‍ ഇടിച്ചുതെറിപ്പിച്ച ബൈക്കില്‍ നിന്ന് വീണ് യുവാവ് തത്ക്ഷണം മരിച്ചു. ഗുരുതര പരിക്കുകളോടെ ഭാര്യയെ ആശുപത്രിയില്‍ പ്രവേശിപ്പിച്ചു.
വെളളിയാഴ്ച ഉച്ചയോടെ ഹൈദരാബാദിലാണ് സംഭവം. ബൈക്ക് ഓടിച്ചിരുന്ന ഗൗതം ദേവാണ് മരിച്ചത്. ബൈക്കിന് പിന്നിലിരുന്ന് സഞ്ചരിച്ച ശ്വേത ശ്രീവാനിയാണ് ആശുപത്രിയില്‍ ചികിത്സയില്‍ കഴിയുന്നത്.
പ്രതിയെ തിരിച്ചറിഞ്ഞിട്ടുണ്ട്. മെഴ്‌സിഡസ് ബെന്‍സ് കാറാണ് അപകടത്തിന് ഇടയാക്കിയത്. മദ്യലഹരിയില്‍ കാശി ബിശ്വനാഥാണ് അമിതവേഗതയില്‍ വാഹനം ഓടിച്ചുവന്നത്. പബ്ബില്‍ പാര്‍ട്ടി കഴിഞ്ഞ് മടങ്ങുമ്പോഴാണ് സംഭവം നടന്നതെന്ന് പൊലീസ് പറയുന്നു.
കുറ്റകരമായ നരഹത്യയ്ക്ക് പ്രതിക്കെതിരെ കേസെടുത്തതായി പൊലീസ് പറഞ്ഞു. പ്രതി സോഫ്റ്റ് വെയര്‍ എന്‍ജിനീയറാണ്. കൂട്ടുകാരന്റെ കാറാണ് കാശി ബിശ്വനാഥ് ഓടിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
