ഹൈദരാബാദ്: കോവിഡ് ചികിത്സയ്ക്കായി രണ്ടാമതും പ്ലാസ്മ ദാനം ചെയ്ത് പ്രശസ്ത സംഗീത സംവിധായകന് എം എം കീരവാണി. തിങ്കളാഴ്ചയാണ് അദ്ദേഹവും മകനും പ്ലാസ്മ ദാനം ചെയ്തത്.
'രക്തത്തില് ഇപ്പോഴും ആന്റി ബോഡി പ്രവര്ത്തിക്കുന്നുണ്ടെന്ന് ആശുപത്രി അറിയച്ചതിനെ തുടര്ന്നാണ് വീണ്ടും പ്ലാസ്മ ദാനം ചെയ്തതെന്ന് കീരവാണി വ്യക്തമാക്കി. കിംസ് ഹോസ്പിറ്റലിലാണ് അദ്ദേഹം പ്ലാസ്മ ദാനം ചെയ്തത്.
പ്ലാസ്മ ദാനം ചെയ്യുന്നതില് ഒരു പേടിയും വേണ്ടെന്ന് 59കാരനായ കീരവാണി പറയുന്നു. ബാഹുബലി ഉള്പ്പെടെയുള്ള തെലുങ്കിലെ സൂപ്പര് ഹിറ്റ് ചിത്രങ്ങള്ക്ക് സംഗീത സംവിധാനം നിര്വഹിച്ച കീരവാണി, സെപ്റ്റംബര് ഒന്നിനാണ് ആദ്യമായി പ്ലാസ്മ നല്കിയത്. മകന് ഭൈരവയും പ്ലാസ്മ നല്കി. ബാഹുബലി സംവിധായകന് എസ് എസ് രാജമൗലിയുടെ ആര് ആര് ആര് ആണ് കീരവാണിയുടേതായി ഇനി പുറത്തിറങ്ങാനുള്ള ചിത്രം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ