വേഗതയുടെ കാര്യത്തില്‍ എന്നപോലെ തന്നെ പതുങ്ങിയിരുന്ന് ഇരകളെ പിടികൂടുന്നതിലും പുള്ളിപ്പുലിക്ക് പ്രത്യേക കഴിവാണ്. പതുങ്ങിയിരിക്കുന്നത് പുള്ളിപ്പുലിയാണ് എന്ന് ഒറ്റനോട്ടത്തില്‍ ഒരു സംശയവും തോന്നിപ്പിക്കാത്തവിധം ഇരയെ പിടികൂടാന്‍ തക്കംപാര്‍ത്തിരിക്കുന്ന വീഡിയോയാണ് വൈറലാകുന്നത്.
ആദിത്യപാണ്ഡ ചിത്രീകരിച്ച അപൂര്‍വ്വ വീഡിയോ സുരേന്ദര്‍ മെഹ്‌റ ഐഎഫ്എസാണ് ട്വിറ്ററില്‍ പങ്കുവെച്ചത്. ഹിമപ്പുലിയാണ് ദൃശ്യത്തില്‍. ഹിമാലയത്തിലെ ചെങ്കുത്തായ മലനിരയില്‍ പതുങ്ങിയിരിക്കുകയാണ് ഹിമപ്പുലി. തൊട്ടടുത്ത് ഒരു പക്ഷിയെ കാണാം. ഒറ്റനോട്ടത്തില്‍ പുലിയാണ് അവിടെ പതുങ്ങിയിരിക്കുന്നത് എന്ന് മനസിലാവില്ല. പക്ഷിയെ പിടികൂടാന്‍ അനങ്ങാതെ തക്കം പാര്‍ത്ത് നില്‍ക്കുകയാണ് പുലി.
അവസാനം തന്റെ അരികില്‍ എത്തിയതായും ഒറ്റച്ചാട്ടത്തിന് പിടികൂടാന്‍ കഴിയുമെന്നുമുള്ള പ്രതീക്ഷയില്‍ പുലി ചാടി വീഴുന്നുണ്ടെങ്കിലും പക്ഷി പറന്ന് രക്ഷപ്പെടുന്നതാണ് വീഡിയോയുടെ അവസാനം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
