രാജ്യത്ത് കടുവകളുടെ എണ്ണം വര്‍ധിച്ചു എന്നാണ് റിപ്പോര്‍ട്ടുകള്‍. കടുവകള്‍ ക്യാമറയില്‍ പതിയുന്നത് അപൂര്‍വ്വമായി മാത്രമാണ്. പലപ്പോഴും ഒരു പ്രദേശം തന്റെ അധീനതയിലാക്കാന്‍ ശ്രമിക്കുന്നതാണ് കടുവകളുടെ രീതി. ഇവിടേയ്ക്ക് മറ്റൊരു കടുവ വന്നാല്‍ അതിനെ ആക്രമിച്ച് ഓടിക്കാന്‍ ശ്രമിക്കുന്നത് കടുവകളുടെ ശൈലയാണ്.
ഇപ്പോള്‍ കടുവകള്‍ തമ്മിലുള്ള പോരാട്ടത്തിന്റെ വീഡിയോയാണ് വ്യാപകമായി പ്രചരിക്കുന്നത്. സുരേന്ദര്‍ മെഹ്‌റ ഐഎഫ്എസാണ് വീഡിയോ പങ്കുവെച്ചത്. രണ്ടു കടുവകള്‍ തമ്മില്‍ പോരാടുന്നതാണ് വീഡിയോയുടെ ഉള്ളടക്കം. അല്‍പ്പസമയം കഴിഞ്ഞ് ഇരു കടുവകളും സമാന്തരമായി നടന്നുനീങ്ങുന്നിടത്താണ് വീഡിയോ അവസാനിക്കുന്നത്.
എല്ലാ പോരാട്ടങ്ങളും പ്രദേശത്തിന്റെ അധീശത്വം ഉറപ്പാക്കാന്‍ വേണ്ടിയാവണമെന്നില്ലെന്ന് സുരേന്ദര്‍ മെഹ്‌റ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
