കൊല്‍ക്കത്ത: അപ്പാര്‍ട്ടുമെന്റില്‍ തനിച്ച് താമസിക്കുന്ന യുവതി കൂട്ട ബലാത്സംഗത്തിനിരയായി. കൊല്‍ക്കത്തയിലെ ഗാര്‍ഡന്‍ റീച്ച് ഏരിയയില്‍ വച്ച് ചൊവ്വാഴ്്ച ഉച്ചയ്ക്കായിരുന്നു സംഭവം. അപ്പാര്‍ട്ട് മെന്റില്‍ വച്ച് പ്രതികള്‍ 15 ലക്ഷം രൂപ കവര്‍ന്നതായും പൊലീസ് പറഞ്ഞു.
മെഡിക്കല്‍ പരിശോധനയില്‍ യുവതി ബലാത്സംഗത്തിന് ഇരയായതായി വ്യക്തമായെന്ന് പൊലീസ് പറഞ്ഞു. എന്നാല്‍ എങ്ങനെയാണ് മൂന്ന് അജ്ഞാതര്‍ യുവതിയുടെ മുറിയില്‍ എത്തിയതെന്ന് വ്യക്തമായിട്ടില്ല. എത്തിയ മൂവരും യുവതിയുടെ പരിചയക്കാരാണോ എന്നതും അന്വേഷിക്കുന്നതായും പൊലീസ് പറഞ്ഞു. യുവതിയെ ബലാത്സംഗം ചെയ്ത ശേഷം അപ്പാര്‍ട്ട്‌മെന്റില്‍ വച്ച് പ്രതികള്‍ 15 ലക്ഷം കവര്‍ന്നതായും പൊലീസ് പറഞ്ഞു.
ബുധനാഴ്ച രാവിലെയാണ് ഗാര്‍ഡന്‍ റീച്ച് പൊലീസ് സ്റ്റേഷനിലെത്തി യുവതി പരാതി നല്‍കിയത്. ബലാത്സംഗത്തിന് മുന്‍പായി മൂന്നംഗസംഘം യുവതിയെ കെട്ടിയിട്ടതായി പ്രാഥമികാന്വേഷണത്തില്‍ വ്യക്തമായതായി പൊലീസ് പറയുന്നു. സമീപപ്രദേശത്തെ സിസി ടിവി ദൃശ്യങ്ങള്‍ പരിശോധിച്ചതായും പ്രതികളെ ഉടന്‍ പിടികൂടാനാവുമെന്നും പൊലീസ് പറഞ്ഞു
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
