റായ്പൂര്: ചത്ത വിഷപ്പാമ്പിന്റെ തലയും വാലും ഭക്ഷിച്ച യുവാക്കളെ ആശുപത്രിയില് പ്രവേശിപ്പിച്ചു. ഛത്തീസ്ഗഢിലെ കോര്ബ ജില്ലയിലാണ് സംഭവം. മദ്യലഹരിയിലായിരുന്ന യുവാക്കള് ചത്ത എട്ടടിവീരനെ ഭക്ഷിക്കുകയായിരുന്നു.
ആരോഗ്യനില വഷളായതിനെ തുടര്ന്ന് ഇരുവരെയു ബന്ധുക്കളാണ് സമീപത്തെ സര്ക്കാര് ആശുപത്രിയില് പ്രവേശിപ്പിച്ചത്. ഞായറാഴ്ച രാത്രി കോര്ബനഗരത്തിലെ പൊലീസ് സ്റ്റേഷന് പരിധിയിലായിരുന്നു സംഭവം.
സംഭവത്തെ കുറിച്ച് നാട്ടുകാര് പറയുന്നത് ഇങ്ങനെ; ഇന്ദിര നഗര് പ്രദേശത്തെ ദേവാങ്കന് പാറയില് താമസിക്കുന്ന ഒരു വീട്ടില് നിന്നാണ് പാമ്പിനെ കണ്ടെത്തിയത്. തുടര്ന്ന് വീട്ടുകാര് പാമ്പിനെ തീയിട്ട് കൊലപ്പെടുത്തി റോഡില് ഉപേക്ഷിച്ചു. മദ്യലഹരിയില് നടന്നുവന്ന യുവാക്കളായ രാജുവും ഗഡ്ഡുവും റോഡില് ചത്തുകിടന്ന പാമ്പിനെ ഭക്ഷിക്കുകയായിരുന്നു. രാജു പാമ്പിന്റെ തലയും ഗുഡ്ഡു വാലും ഭക്ഷിച്ചു. ആശുപത്രിയില് പ്രവേശിപ്പിച്ച രാജുവിന്റെ നില ഗുരുതരമാണെന്ന് ആശുപത്രി അധികൃതര് പറഞ്ഞു
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ