ബംഗളൂരു: കര്ണാടകയില് മൂന്ന് നില കെട്ടിടം തകര്ന്നുവീണു. മെട്രോ ജീവനക്കാര് താമസിക്കുന്ന വീട്ടില് ആ സമയത്ത് ആരും ഉണ്ടാകാതിരുന്നതിനാല് വന് അപകടം ഒഴിവായി. ജീവനക്കാര് ജോലിക്ക് പോയിരുന്ന സമയത്താണ് വീട് തകര്ന്നുവീണത്.
ലക്ഷകന്ദ്രയില് രാവിലെ പത്തരയോടെയാണ് സംഭവം. വീട് വീഴുന്നത് കണ്ട് ഭയന്ന് ആളുകള് ഒച്ചവെയ്ക്കുന്നതിന്റെ ദൃശ്യങ്ങള് പുറത്തുവന്നിട്ടുണ്ട്. 20 പേര് താമസിക്കുന്ന വീടാണ് തകര്ന്നുവീണത്. മെട്രോ ജീവനക്കാരായ താമസക്കാര്, ജോലി സ്ഥലത്ത് ആയതിനാല് വന് ദുരന്തം ഒഴിവായി. കെട്ടിടം വീണതിന്റെ ആഘാതത്തില് തൊട്ടടുത്തുള്ള വീടുകള്ക്കും കേടുപാടുകള് സംഭവിച്ചിട്ടുണ്ട്.
1974ല് പണിത വീടാണിത്. ആര്ക്കും ആളപായമില്ലെന്ന് പ്രദേശവാസികള് പറയുന്നു. രാത്രിയിലാണ് കെട്ടിടം തകര്ന്നുവീണതെങ്കില് വന് ദുരന്തം സംഭവിക്കുമായിരുന്നു. ഉടന് തന്നെ അഗ്നിശമനസേന സ്ഥലത്തെത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ