ഗ്വാളിയോര്‍: അന്‍പതുകാരിയായ കോവിഡ് രോഗിയെ ബലാത്സംഗം ചെയ്യാന്‍ ശ്രമിച്ച ആശുപത്രി ജീവനക്കാരന്‍ അറസ്റ്റില്‍. മധ്യപ്രദേശിലെ ഗ്വാളിയോറിലെ കോവിഡ് ചികിത്സാ കേന്ദ്രത്തിലെ വാര്‍ഡ് ബോയ് ആണ് സ്ത്രീയെ ബലാത്സംഗം ചെയ്യാന്‍ ശ്രമിച്ചത്. ഇയാളെ അറസ്റ്റുചെയ്തതായി പൊലീസ് പറഞ്ഞു.
ശനിയാഴ്ച രാത്രിയിലാണ് കേസിനാസ്പദമായ സംഭവം. ഓക്‌സിജന്‍ സഹായത്തോടെ ചികിത്സയിലായിരുന്ന 50 കാരിയ്ക്ക് നേരെ ഇയാള്‍ ലൈംഗികാതിക്രമം നടത്തുകയായിരുന്നു. തുടര്‍ന്ന് ഇവര്‍ പൊലീസില്‍ പരാതി നല്‍കുകയായിരുന്നു. സംഭവത്തിന് പിന്നാലെ പ്രതി ആശുപത്രിയില്‍ നിന്ന് മുങ്ങുകയും ചെയ്തു. പ്രതിയെ രക്ഷിക്കാന്‍ ആശുപത്രി അധികൃതര്‍ സഹായിച്ചെന്നും കുടുംബം ആരോപിക്കുന്നു.
പ്രതിയ്‌ക്കെതിരെ ഐപിസി 317, 354 പ്രകാരമാണ് കേസ് എടുത്തിരിക്കുന്നതെന്ന് പൊലീസ് അറിയിച്ചു. സംഭവവുമായി ബന്ധപ്പെട്ട് പൊലീസില്‍ പരാതി നല്‍കിയിട്ടും ആവശ്യമായ നടപടിയുണ്ടായില്ലെന്നും കുടുംബം ആരോപിക്കുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
