ന്യൂഡൽഹി: രാജ്യത്ത് കോവിഡ് ബാധിതർ കുറയുന്നു. വീണ്ടും പ്രതിദിന കോവിഡ് രോഗികൾ 30,000ൽ താഴെ എത്തി. 24 മണിക്കൂറിനിടെ 25,166 പേർക്ക് കോവിഡ് ബാധിച്ചതായി കേന്ദ്രസർക്കാർ കണക്കുകൾ വ്യക്തമാക്കുന്നു. 154 ദിവസത്തിനിടയിലെ ഏറ്റവും കുറഞ്ഞ കണക്കാണിത്.
നിലവിൽ 3,69,846 പേരാണ് ചികിത്സയിലുള്ളത്. 146 ദിവസത്തിനിടയിലെ ഏറ്റവും കുറഞ്ഞ ചികിത്സാരോഗികളാണിത്. രോഗമുക്തി നിരക്ക് 97.50 ശതമാനമായി ഉയർന്നതായും സർക്കാർ കണക്കുകൾ വ്യക്തമാക്കുന്നു.
നിലവിൽ 56.81 കോടി വാക്സിൻ സംസ്ഥാനങ്ങൾക്ക് കൈമാറിയതായി കേന്ദ്ര ആരോഗ്യമന്ത്രാലയം വ്യക്തമാക്കി. സംസ്ഥാനങ്ങളുടെ കൈവശം 2.25 കോടി ഡോസ് വാക്സിൻ അവശേഷിക്കുന്നതായും കേന്ദ്രസർക്കാർ കണക്കുകൾ വ്യക്തമാക്കുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ