ന്യൂഡല്ഹി: കോവിഡിനെതിരെയുള്ള ലോകത്തിലെ ഏറ്റവും വലിയ വാക്സിനേഷന് പദ്ധതി ശനിയാഴ്ച പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യും. ഓണ്ലൈനിലൂടെയാകും പ്രധാനമന്ത്രി രാജ്യത്ത് കോവിഡ് വാക്സിനേഷന് തുടക്കം കുറിക്കുക. വാക്സിന് രജിസ്ട്രേഷനും മറ്റു നടപടിക്രമങ്ങള്ക്കുമായി രൂപം നല്കിയ കോ-വിന് ആപ്പും ശനിയാഴ്ച പ്രധാനമന്ത്രി പുറത്തിറക്കും.
ആദ്യഘട്ടത്തില് ആരോഗ്യപ്രവര്ത്തകര് അടക്കം മൂന്ന് കോടി മുന്നിര പോരാളികള്ക്ക് വാക്സിന് നല്കാനാണ് സര്ക്കാര് തീരുമാനം. ഇതിന് 1300 കോടി രൂപയാണ് ചെലവ് പ്രതീക്ഷിക്കുന്നത്. ഇതിന്റെ ഭാഗമായി സിറം ഇന്സ്റ്റിറ്റ്യൂട്ടിന്റെ കോവിഷീല്ഡ് വാക്സിന്റെ ആറ് കോടി ഡോസിന് കേന്ദ്രസര്ക്കാര് ഓര്ഡല് നല്കിയിട്ടുണ്ട്.
രണ്ട് കോവിഡ് വാക്സിനുകള്ക്കാണ് നിലവില് രാജ്യത്ത് അംഗീകാരം നല്കിയിട്ടുള്ളത്. ഭാരത് ബയോടെകിന്റെ കോവാക്സിനും സിറം ഇന്സ്റ്റിറ്റ്യൂട്ടിന്റെ കോവിഷീല്ഡുമാണ് ഇവ. രണ്ടാംഘട്ടത്തില് 27 കോടി ജനങ്ങള്ക്ക് വാക്സിന് നല്കാനാണ് സര്ക്കാര് തീരുമാനിച്ചത്. രണ്ടാം ഘട്ടത്തില് 50 വയസ്സിനു മുകളില് പ്രായമുള്ളവര്ക്കും രോഗവ്യാപനസാധ്യത ഏറിയ 50 വയസ്സില് താഴെ പ്രായമുള്ളവര്ക്കും നല്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ