ന്യൂഡല്ഹി: രാജ്യത്തെ നിയമങ്ങള് പരമ പ്രധാനമെന്നും ഏവരും അത് അനുസരിച്ചേ തീരൂവെന്നും ഐടി മന്ത്രിയായി ചുമതലയേറ്റ അശ്വിനി വൈഷ്ണവ്. പുതിയ ചട്ടങ്ങള് പാലിക്കാന് ട്വിറ്റര് മടി കാണിക്കുന്നതു ചൂണ്ടിക്കാണിച്ചപ്പോഴായിരുന്നു മന്ത്രിയുടെ പ്രതികരണം.
ട്വിറ്ററും കേന്ദ്ര സര്ക്കാരും തമ്മിലുള്ള വടംവലി മൂര്ധന്യത്തില് എത്തിനില്ക്കെയാണ്, ഐടി മന്ത്രാലയത്തിലെ നേതൃമാറ്റം. രവിശങ്കര് പ്രസാദിനു പകരം അശ്വിനി വൈഷ്ണവ് എത്തുമ്പോള് സമീപനത്തില് എന്തു മാറ്റമാണുണ്ടാവുകയെന്നത് രാഷ്ട്രീയ വൃത്തങ്ങളില് ചര്ച്ചയായിരുന്നു.
''രാജ്യത്തെ നിയമങ്ങള് പരമ പ്രധാനമാണ്. ഏവരും അത് അനുസരിച്ചേ തീരൂ''- ട്വിറ്ററിന്റെ നിലപാടിനെ്ക്കുറിച്ചു ചോദിച്ചപ്പോള് അശ്വിനി വൈഷ്ണവ് പ്രതികരിച്ചു.
അതിനിടെ പുതിയ ചട്ടപ്രകാരമുള്ള പരാതി പരിഹാര ഓഫിസറെ നിയമിക്കാന് ട്വിറ്റര് എട്ട് ആഴ്ച സമയം തേടി. ഡല്ഹി ഹൈക്കോടതിയില് സമര്പ്പിച്ച സത്യവാങ്മൂലത്തിലാണ് ട്വിറ്റര് കൂടുതല് സമയം ആവശ്യപ്പെട്ടത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ