ബംഗളൂരു: കര്‍ണാടകയില്‍ പ്രണയം തകര്‍ന്നതിന്റെ നിരാശയില്‍ നിരവധി കാറുകള്‍ തകര്‍ത്ത 27കാരന്‍ അറസ്റ്റില്‍. കാമുകിയുമായുള്ള ബന്ധം തകര്‍ന്നതിനെ തുടര്‍ന്ന് സമനില നഷ്ടപ്പെട്ട യുവാവ് കാറുകള്‍ നശിപ്പിക്കുകയായിരുന്നുവെന്ന് ബംഗളൂരു വെസ്റ്റ് സോണ്‍ ഡിസിപി അറിയിച്ചു.
ബംഗളൂരുവിലാണ് സംഭവം. സിസിടിവി ദൃശ്യങ്ങളുടെ സഹായത്തോടെയാണ് പ്രതിയെ തിരിച്ചറിഞ്ഞത്. തുടര്‍ന്ന് വെള്ളിയാഴ്ച രാവിലെയാണ് അറസ്റ്റ് രേഖപ്പെടുത്തിയത്.
ചോദ്യം ചെയ്യലില്‍ പ്രതി കുറ്റം സമ്മതിച്ചതായി പൊലീസ് പറയുന്നു. ഒരു ദിവസം മുന്‍പാണ് കാമുകിയുമായുള്ള ബന്ധം തകര്‍ന്നത്. ഇതില്‍ സമനില നഷ്ടപ്പെട്ട പ്രതി നിരവധി കാറുകളാണ് നശിപ്പിച്ചതെന്ന് പൊലീസ് പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
