ലക്‌നൗ: കറുത്ത നിറവും ആകര്‍ഷണീയമായ രൂപം ഇല്ല എന്ന തോന്നലിലും നിരാശ പൂണ്ട് 17കാരന്‍ പാര്‍പ്പിട സമുച്ചയത്തിന്റെ മുകളില്‍ നിന്ന് ചാടി ജീവനൊടുക്കി. പതിനൊന്നാം ക്ലാസുകാരനായ കുട്ടി ഏറെ നാളായി വിഷാദത്തിലായിരുന്നുവെന്ന് മാതാപിതാക്കള്‍ പറയുന്നു.
ഉത്തര്‍പ്രദേശിലെ നോയിഡയിലാണ് സംഭവം. പാര്‍പ്പിട സമുച്ചയത്തിന്റെ 15-ാമത്തെ നിലയില്‍ നിന്ന ചാടിയാണ് 17കാരന്‍ ജീവനൊടുക്കിയതെന്ന് പൊലീസ് പറയുന്നു. മാതാപിതാക്കള്‍ പിരിഞ്ഞാണ് കഴിയുന്നത്. കുട്ടിയുടെ അമ്മ ഗുരുഗ്രാമിലാണ് താമസിക്കുന്നത്. മള്‍ട്ടി നാഷണല്‍ കമ്പനിയില്‍ ജോലി ചെയ്യുന്ന അച്ഛന്‍ നോയിഡയിലാണ് താമസിക്കുന്നതെന്ന് പൊലീസ് പറയുന്നു.
കറുത്ത നിറവും ആകര്‍ഷണീയമായ രൂപം ഇല്ല എന്ന തോന്നലിലും മകന്‍ ഏറെ നാളായി നിരാശയിലായിരുന്നുവെന്ന് മാതാപിതാക്കള്‍ പറയുന്നു. ഇക്കാര്യം പറഞ്ഞ് മകന്‍ പലതവണ വിഷമിച്ചിരിക്കുന്നത് കണ്ടിട്ടുണ്ടെന്നും മാതാപിതാക്കള്‍ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
