ലക്‌നൗ: ഉത്തര്‍പ്രദേശില്‍ പെണ്‍കുട്ടിയെ യുവാവ് തട്ടിക്കൊണ്ടുപോയി പീഡിപ്പിച്ചതായി പരാതി. അര്‍ധരാത്രിയില്‍ വീടിന് വെളിയില്‍ നടക്കാന്‍ ഇറങ്ങിയ പെണ്‍കുട്ടിയെയാണ് കാറില്‍ തട്ടിക്കൊണ്ടുപോയി പീഡിപ്പിച്ചത്. സംഭവത്തില്‍ അച്ഛന്റെ പരാതിയില്‍ യുവാവിനെതിരെ കേസെടുത്ത് പൊലീസ് അന്വേഷണം ആരംഭിച്ചു.
അലിഗഡില്‍ ശനിയാഴ്ച രാത്രിയാണ് സംഭവം. അര്‍ധരാത്രിയില്‍ വീട്ടില്‍ നിന്ന് പുറത്തിറങ്ങിയ പെണ്‍കുട്ടിയെയാണ് യുവാവ് തട്ടിക്കൊണ്ടുപോയി പീഡിപ്പിച്ചത്. കാറില്‍ തട്ടിക്കൊണ്ടുപോയി പീഡിപ്പിക്കുകയായിരുന്നുവെന്ന് പരാതിയില്‍ പറയുന്നു.
പെണ്‍കുട്ടിയുടെ കരച്ചില്‍ കേട്ട് അമ്മാവന്‍ ഓടിയെത്തിയെങ്കിലും യുവാവ് ബന്ധുവിനെ കുത്തിവീഴ്ത്തിയ ശേഷം വാഹനം അതിവേഗത്തില്‍ ഓടിച്ച് കടന്നുകളഞ്ഞതായി പരാതിയില്‍ പറയുന്നു. പരിക്കുകളോടെ അമ്മാവനെ ആശുപത്രിയില്‍ പ്രവേശിപ്പിച്ചു. കത്തി കാണിച്ച് കൊല്ലുമെന്ന് ഭീഷണിപ്പെടുത്തിയാണ് പീഡിപ്പിച്ചതെന്ന് പരാതിയില്‍ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
