ഒടുങ്ങാതെ കോവിഡ്; ഇന്നലെയും മൂന്ന് ലക്ഷത്തിലധികം കേസുകൾ, മരണം 3,890 

By സമകാലിക മലയാളം ഡെസ്‌ക്‌  |   Published: 15th May 2021 09:44 AM  |  

Last Updated: 15th May 2021 09:44 AM  |   A+A-   |  

doctors-covid

ചിത്രം: പിടിഐ

 

ന്യൂഡൽഹി: രാജ്യത്ത് ഇന്നലെയും മൂന്ന് ലക്ഷത്തിലധികം കോവിഡ് രോ​ഗികൾ. ഇന്നലെ 3,26,098  പേർക്കാണ് രോ​ഗബാധ സ്ഥിരീകരിച്ചത്. ഇതോടെ രോ​ഗബാധിതരുടെ ആകെ എണ്ണം 2,43,72,907 ആയി ഉയർന്നതായി കേന്ദ്രസർക്കാർ കണക്കുകൾ വ്യക്തമാക്കുന്നു.

24 മണിക്കൂറിനിടെ 3,890 പേരാണ് കോവിഡ് ബാധിച്ച് മരിച്ചത്. ഇതോടെ മരണസംഖ്യ 2,66,207 ആയി ഉയ‌ർന്നു. 3,53,299 പേർ രോ​ഗമുക്തരായതോടെ നിലവിൽ ചികിത്സയിലുള്ളവർ 36,73,802 പേരാണ്. രാജ്യത്ത് ഇതുവരെ 2,04,32,898 പേർ രോ​ഗമുക്തരായി. 

മെയ് 14 വരെയുള്ള ഐസിഎംആർ കണക്കനുസരിച്ച് രാജ്യത്താകെ 31,30,17,193 സാംപിളുകളാണ് കോവിഡ് ടെസ്റ്റ് നടത്തിയത്. ഇതിൽ 16,93,093 പരിശോധനകൾ ഇന്നലെയാണ് നടന്നത്. രാജ്യത്താകെ ഇതുവരെ 18,04,57,579 പേർക്ക് വാക്സിൻ നൽകിയതായി സർക്കാർ കണക്കുകൾ വ്യക്തമാക്കുന്നു.