അഹമ്മദാബാദ്: ഗുജറാത്തില്‍ ഹോട്ടല്‍ മുറിയില്‍ നിന്ന് കാമുകിക്കൊപ്പം യുവാവിനെ കയ്യോടെ പിടികൂടി ഭാര്യ. യുവാവിനൊപ്പം കാമുകിയെയും ഭാര്യയും കുടുംബക്കാരും ചേര്‍ന്ന് മര്‍ദ്ദിച്ചു. യുവതിയുടെ തുണി വലിച്ചുകീറി നഗ്നയാക്കിയതായും റിപ്പോര്‍ട്ടുകള്‍ പറയുന്നു.
വല്‍സാദിലെ ഹോട്ടലിലാണ് സംഭവം. കാമുകിക്കൊപ്പം യുവാവും മുറിയില്‍ ഉണ്ടെന്ന് അറിഞ്ഞ് ഭാര്യയും മകളും ഹോട്ടലില്‍ എത്തുകയായിരുന്നു. ഭര്‍ത്താവിന് വിവാഹേതര ബന്ധം ഉണ്ടെന്ന സംശയത്തിലായിരുന്നു ഭാര്യയുടെയും മകളുടെയും പരിശോധന.
കാമുകിക്കൊപ്പം യുവാവിനെ കണ്ട് കുപിതരായ ഭാര്യയും കുടുംബക്കാരും ഭര്‍ത്താവിനെ മര്‍ദ്ദിക്കാന്‍ തുടങ്ങി. കാമുകിയെയും വെറുതെ വിട്ടില്ല. കാമുകിയെ മര്‍ദ്ദിക്കുകയും വസ്ത്രം വലിച്ച് കീറുകയും ചെയ്തു. നഗ്നയായി മുറിക്ക് പുറത്തിറങ്ങാന്‍ ഭാര്യയും ബന്ധുക്കളും നിര്‍ബന്ധിച്ചതായാണ് റിപ്പോര്‍ട്ടുകള്‍. സംഭവത്തെ കുറിച്ച് പൊലീസ് അന്വേഷണം തുടങ്ങി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
