ന്യൂഡൽഹി: ഗോവയിലെ ഹോട്ടലിൽ ദുരൂഹ സാഹചര്യത്തിൽ മരിച്ച നടിയും ബിജെപി നേതാവുമായ സൊണാലി ഫോഗട്ടിന്റെ പുതിയ സിസിടിവി ദൃശ്യങ്ങൾ പുറത്തു വന്നു. ഗോവയിലെ ഹോട്ടലിലെ പാർട്ടിക്ക് ശേഷം മരണം സംഭവിക്കുന്നതിന് തൊട്ടുമുൻപുള്ള വീഡിയോയാണ് പുറത്തു വന്നിരിക്കുന്നത്. സൊണാലിയെ നടക്കാൻ കഴിയാത്ത നിലയിൽ സഹായി താങ്ങിപ്പിടിച്ച് കൊണ്ടു പോകുന്നതാണ് ദൃശ്യത്തിലുള്ളത്.
കേസുമായി ബന്ധപ്പെട്ട് കഴിഞ്ഞ ദിവസം അറസ്റ്റിലായ രണ്ട് പേരിൽ ഒരാളായ സുധീർ സാങ്വാനാണ് സൊണാലിയെ താങ്ങിപ്പിടിച്ച് നടക്കുന്നത്. ഇയാളെയും സുഗ്വിന്ദർ എന്നയാളെയുമാണ് കഴിഞ്ഞ ദിവസം പൊലീസ് അറസ്റ്റ് ചെയ്തത്. സൊണാലിയെ നിർബന്ധപൂർവം ലഹരിമരുന്ന് കഴിപ്പിച്ചതായി ചോദ്യം ചെയ്യലിനിടെ ഇവർ പൊലീസിനോട് സമ്മതിച്ചിരുന്നു.
ലഹരിമരുന്ന് നൽകി മയക്കിയ സൊണാലിയെ പുലർച്ചെ നാലരയോടെ പ്രതികൾ ടോയ്ലറ്റിൽ കൊണ്ടുപോയി. രണ്ട് മണിക്കൂറിന് ശേഷമാണ് പുറത്തു വന്നത്. അതിനിടയിൽ എന്തു സംഭവിച്ചുവെന്ന് വ്യക്തമല്ലെന്ന് പൊലീസ് പറയുന്നു. ഫോഗട്ടിന്റെ ശരീരത്തിൽ മൂർച്ചയേറിയ ആയുധം ഉപയോഗിച്ചുള്ള മുറിവുകൾ പോസ്റ്റ്മോർട്ടം റിപ്പോർട്ടിൽ കണ്ടെത്തിയിരുന്നു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ