മുംബൈ: തോക്ക് ചൂണ്ടി ഭീഷണിപ്പെടുത്തി സ്വകാര്യ സ്ഥാപനത്തില് നിന്ന് പണം കവര്ന്നു. മൂന്ന് അക്രമികള് ചേര്ന്ന് ഒരു കോടി രൂപ കവരുന്നതിന്റെ സിസിടിവി ദൃശ്യങ്ങള് പുറത്തുവന്നു.
മുംബൈയിലെ മുളുന്ത് മേഖലയില് കഴിഞ്ഞദിവസമാണ് സംഭവം നടന്നത്. സ്വകാര്യ സ്ഥാപനത്തിലെ ജീവനക്കാരെ തോക്ക് ചൂണ്ടി ഭീഷണിപ്പെടുത്തിയാണ് പണം കവര്ന്നത്. അക്രമികള് തോക്ക് ചൂണ്ടി ജീവനക്കാരെ ഭയപ്പെടുത്തുന്നത് വീഡിയോയില് വ്യക്തമാണ്.
തുടര്ന്ന് ഒരാള് മേശവലിപ്പിലും അലമാരിയിലും മറ്റും സൂക്ഷിച്ചിരുന്ന നോട്ടുകെട്ടുകള് കൈമാറുന്നത് കാണാം. അക്രമികളില് ഒരാള് ഇത് ബാഗിലാക്കി നടന്നുനീങ്ങുന്നതാണ് വീഡിയോയുടെ അവസാനം. സംഭവത്തില് കേസ് രജിസ്റ്റര് ചെയ്ത് പൊലീസ് അന്വേഷണം ആരംഭിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ