കോയമ്പത്തൂര്: തമിഴ്നാട്ടില് മരുതുമല ഹില് റോഡില് കാട്ടാനയുടെ പിണ്ഡത്തില് പ്ലാസ്റ്റിക് കവറുകളും മാസ്കുകളും കണ്ടെത്തി. ഫെയ്സ് മാസ്ക് ,പാല് കവര്, സാനിറ്ററി നാപ്കിന്, സാമ്പാര് പൗഡര് കവര്, ബിസ്ക്കറ്റ് കവര് , പ്ലാസ്റ്റിക് ക്യാരി ബാഗ് എന്നിവയാണു പിണ്ഡത്തിലുണ്ടായിരുന്നത്. വന്യമൃഗ സംരക്ഷണത്തിനായി പ്രവര്ത്തിക്കുന്ന കോയമ്പത്തൂര് വൈല്ഡ് ലൈഫ് കണ്സര്വേഷന് ട്രസ്റ്റിന്റെ പ്രസിഡന്റ് മുരുകാനന്ദനാണ് റോഡില് കണ്ട പിണ്ഡത്തിന്റെ ഫോട്ടോയെടുത്ത് സമൂഹമാധ്യമങ്ങളില് പോസ്റ്റ് ചെയ്തത്.
തീറ്റ തേടിയിറങ്ങിയ കാട്ടാനക്കൂട്ടം മാലിന്യം ഭക്ഷിച്ചതുവഴിയാണ് പ്ലാസ്റ്റിക്കുകള് വയറ്റിലെത്തിയതെന്നാണ് സൂചന. രണ്ടുമുതിര്ന്ന കൊമ്പന്മാരും രണ്ടി പിടിയാനകളും കുട്ടിയാനകളും ഉള്പ്പെട്ട സംഘം ഈ പ്രദേശത്ത് തമ്പടിച്ചിട്ടുണ്ട്.
ഇവയുടെ പിണ്ഡമാണ് റോഡില് കണ്ടത്. ഇതിനെ തുടര്ന്ന് വനമേഖലയോടു ചേര്ന്ന ഭാഗങ്ങളില് മാലിന്യം തള്ളരുതെന്ന് കോയമ്പത്തൂര് ജില്ലാ വനംവകുപ്പ് ഓഫീസര് ടി കെ അശോക് കുമാര് നിര്ദേശം നല്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ