പാമ്പ് എന്നു കേള്‍ക്കുമ്പോള്‍ തന്നെ ഭയപ്പെടുന്നവരാണ് ഭൂരിഭാഗം ആളുകളും. പാമ്പിനെ നേരിട്ട് കണ്ടാലോ, പറയുകയും വേണ്ട!. രാത്രിയില്‍ റോഡ് മുറിച്ചു കടക്കുന്ന അസാധാരണ വലുപ്പമുള്ള പാമ്പിന്റെ ദൃശ്യമാണ് ഇപ്പോള്‍ സാമൂഹിക മാധ്യമങ്ങളില്‍ നിറയുന്നത്.
ഐഎഫ്എസ് ഉദ്യോഗസ്ഥനായ സുശാന്ത നന്ദയാണ് വീഡിയോ പങ്കുവെച്ചത്. വന്യജീവികള്‍ക്കും വഴിയിലൂടെ സഞ്ചരിക്കാനുള്ള അവകാശമുണ്ട്, അവര്‍ക്കും സുരക്ഷിതമായ സഞ്ചാര മാര്‍ഗമൊരുക്കാം എന്ന അടിക്കുറിപ്പോടെയാണ് സുശാന്ത നന്ദ ഈ ദൃശ്യം പങ്കുവച്ചത്.
മഹാരാഷ്ട്രയിലെ റെയ്ഗാദ് ജില്ലയിലെ ആപ്ത റെയില്‍വേ സ്‌റ്റേഷനു സമീപമുള്ള റോഡിലാണ് സംഭവം നടന്നത്. വെള്ളിയാഴ്ച വൈകുന്നേരമാണ് പാമ്പിനെ കണ്ടത്. സമീപത്തുണ്ടായിരുന്നവരാണ് അസാമാന്യ വലുപ്പമുള്ള പാമ്പിന്റെ ദൃശ്യങ്ങള്‍ പകര്‍ത്തിയതും സാമൂഹിക മാധ്യമങ്ങളിലൂടെ പങ്കുവച്ചതും. ചുരുങ്ങിയ സമയത്തിനുള്ളില്‍ തന്നെ വിഡിയോ ജനശ്രദ്ധ നേടി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
