ശ്രീനഗര്‍: ജമ്മു കശ്മീരില്‍ മൂന്നു ഭീകരരെ സൈന്യം വധിച്ചു. ശ്രീനഗറിലെ നൗഗാം മേഖലയിലാണ് ഏറ്റുമുട്ടലുണ്ടായത്. കൊല്ലപ്പെട്ട ഭീകരരില്‍ നിന്നും നിരവധി ആയുധങ്ങളും സ്‌ഫോടക വസ്തുക്കളും കണ്ടെടുത്തതായി കശ്മീര്‍ സോണ്‍ പൊലീസ് അറിയിച്ചു.
മേഖലയില്‍ തിരച്ചില്‍ തുടരുകയാണ്. കൊല്ലപ്പെട്ട ഭീകരര്‍ ലഷ്‌കര്‍ ഇ തയ്ബ ഭീകരസംഘടനയില്‍പ്പെട്ടവരാണെന്നാണ് സംശയിക്കുന്നത്. അടുത്തിടെ ഖാന്‍മോഹ് സര്‍പഞ്ച് സമീര്‍ ഭട്ടിനെ കൊലപ്പെടുത്തിയ ഭീകരനും കൊല്ലപ്പെട്ടവരില്‍ ഉണ്ടാകാമെന്നാണ് സംശയിക്കുന്നതെന്ന് പൊലീസ് ഐജി വിജയകുമാര്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
