ധന്‍ബാദ് : പാളം തെറ്റിയത് അറിയാതെ ചരക്കുതീവണ്ടിയുടെ വാഗണുമായി എന്‍ജിന്‍ അതിവേഗം കുതിച്ചത് കിലോമീറ്ററുകളോളം. ധന്‍ബാദ് ഡിവിഷനിലെ ഗയ-കോഡര്‍മ സെക്ഷനില്‍ കഴിഞ്ഞദിവസം രാവിലെയായിരുന്നു സംഭവം.
പാളം തെറ്റി മറിഞ്ഞ വാഗണുമായി എന്‍ജിന്‍ കുതിച്ചു പായുന്നത് കണ്ട് ആളുകള്‍ പേടിച്ച് ഓടുന്നതിന്റെ വീഡിയോ ദൃശ്യങ്ങളും പുറത്തു വന്നിട്ടുണ്ട്. ബുധനാഴ്ച രാവിലെ 6.24 ഓടെയാണ് കോഡര്‍മ-മാന്‍പൂര്‍ റെയില്‍വേ സ്റ്റേഷനുകള്‍ക്കിടയില്‍ ചരക്കു തീവണ്ടി പാളം തെറ്റുന്നത്.
കല്‍ക്കരിയുമായി പോയ ട്രെയിനിന്റെ 53 വാഗണുകളാണ് പാളം തെറ്റിയത്. ഇതേത്തുടര്‍ന്ന് ഈ റൂട്ടില്‍ ട്രെയിന്‍ ഗതാഗതം തടസ്സപ്പെട്ടിരിക്കുകയാണ്. എന്നാല്‍ അപകടത്തില്‍ ആര്‍ക്കും പരിക്കില്ലെന്ന് ഈസ്റ്റ് സെന്‍ട്രല്‍ റെയില്‍വേ അറിയിച്ചു. അപകടത്തെത്തുടര്‍ന്ന് ഇതുവഴിയുള്ള നിരവധി ട്രെയിനുകൾ വഴിതിരിച്ചു വിട്ടു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
