ന്യൂഡല്ഹി: പട്ടാപ്പകല് 18കാരനെ മര്ദ്ദിച്ച് അവശനാക്കി കൈയിലുള്ളത് മുഴുവന് രണ്ടുപേര് ചേര്ന്ന് കവരുന്ന ദൃശ്യങ്ങള് പുറത്ത്. സിസിടിവി ദൃശ്യങ്ങളുടെ സഹായത്തോടെ മണിക്കൂറുകള്ക്കകം പ്രതികളായ രണ്ടുപേരെയും പൊലീസ് അറസ്റ്റ് ചെയ്തു.നസീം (23), ഷറഫത്ത് (24) എന്നിവരെയാണ് പിടികൂടിയത്്.
ഡല്ഹി സീലാംപൂര് മേഖലയില് പട്ടാപ്പകലാണ് സംഭവം. 18 വയസുള്ള രവീന്ദര് സിങ്ങിനെയാണ് മര്ദ്ദിച്ച് അവശനാക്കിയത്. തുടര്ന്ന് കൈയിലുള്ളത് മുഴുവനും പ്രതികള് കവരുകയായിരുന്നുവെന്ന് ഡല്ഹി പൊലീസ് പറയുന്നു.
ഇതിന്റെ സിസിടിവി ദൃശ്യങ്ങള് ലഭിച്ചതിന്റെ അടിസ്ഥാനത്തില് മണിക്കൂറുകള്ക്കകമാണ് പ്രതികളെ പിടികൂടിയത്. ഇടവഴിയില് വച്ചാണ് 18കാരനെ പ്രതികള് ആക്രമിച്ചത്. ആക്രമിച്ച് കീഴ്പ്പെടുത്തിയ ശേഷം പ്രതികള് പണം കവരുന്നത് ദൃശ്യങ്ങളില് വ്യക്തമാണ്. പ്രതികളുടെ ആക്രമണത്തില് അവശനായ രവീന്ദര് സിങ്ങ് തളര്ന്നുവീഴുന്നതും ദൃശ്യങ്ങളില് കാണാം.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ