ഭോപ്പാല്: മധ്യപ്രദേശില് ബൈക്കിലെത്തിയ സംഘം മൊബൈല് ഫോണ് തട്ടിപ്പറിക്കുന്നതിനിടെ, മുഖംകുത്തി നിലത്തുവീണ് യുവതി. മൊബൈല് പിടിച്ചുപറിക്കുന്നത് തടയാന് ശ്രമിക്കുന്നതിനിടെയാണ് യുവതി വീണത്. ഫോണ് തട്ടിപ്പറിക്കുന്നതിന് വേണ്ടി ബൈക്കിന്റെ പിന്നിലുണ്ടായിരുന്നയാള് യുവതിയെ പിടിച്ചുവലിച്ചപ്പോള് നിയന്ത്രണം വിട്ട് യുവതി നിലത്തുവീഴുകയായിരുന്നു. ഇതിന്റെ ദൃശ്യങ്ങള് വ്യാപകമായാണ് പ്രചരിക്കുന്നത്.
ഇന്ഡോറില് പട്ടാപ്പകല് റോഡില് തിരക്കുള്ള സമയത്താണ് സംഭവം. ഫോണില് സംസാരിച്ച് റോഡരികിലൂടെ നടന്നുവരികയായിരുന്നു യുവതി. ഈ സമയത്ത് പിന്നില് നിന്ന് വന്ന ബൈക്ക് യാത്രക്കാരാണ് മൊബൈല് തട്ടിപ്പറിച്ചത്. ഇത് ചെറുക്കാന് ശ്രമിക്കുന്നതിനിടെയാണ് യുവതി നിയന്ത്രണം വിട്ട് നിലത്തുവീണത്.മുഖംകുത്തി വീണ യുവതിക്ക് പരിക്കേറ്റതായാണ് റിപ്പോര്ട്ട്.
പ്രതികളെ പിടികൂടിയതായി പൊലീസ് അറിയിച്ചു. പ്രതികള് ഫോണ് തട്ടിപ്പറിച്ചപ്പോള് അത് വീണ്ടെടുക്കാന് യുവതി ശ്രമിച്ചപ്പോഴാണ് വീണ് പരിക്കേറ്റത്. സംഭവത്തിന് ശേഷം പ്രതികള് അതേ ബൈക്കില് തന്നെ കടന്നുകളയുകയായിരുന്നു. സംഭവത്തിന് പിന്നാലെ യുവതി പരാതി നല്കി മണിക്കൂറുകള്ക്കകം പ്രതികളെ പിടികൂടിയതായി പൊലീസ് അറിയിച്ചു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ