ന്യൂഡൽഹി: മൊബൈൽ ആപ്പ് ഡൗൺലോഡ് ചെയ്യാൻ വൈകിയതിൽ ഭാര്യയുമായി വഴക്കിടുന്നതിനിടെ അച്ഛന്റെ കുത്തേറ്റ് മകന് പരിക്ക്. ഡൽഹി മധുവിഹാർ സ്വദേശി അശോക് സിങ്ങിനെതിരെ (64) പൊലീസ് കേസെടുത്തു. ഇയാളുടെ മകൻ 23കാരനായ ആദിത്യ സിങ്ങിനാണ് കുത്തേറ്റത്.
ശനിയാഴ്‌ചയാണ് സംഭവം. ഗുഡ്‌ഗാവിൽ അടുത്തിടെ കുടുംബം ഒരു ഫ്ലാറ്റ് വാങ്ങിയിരുന്നു. ഇതിന്റെ പണമിടപാട് നടത്താൻ ഭാര്യ മഞ്ജുവിനോട് അശോക് ഒരു മൊബൈൽ ആപ്പ് ഡൗൺലോഡ് ചെയ്യാൻ ആവശ്യപ്പെട്ടു. ആപ്പ് ഡൗൺലോഡ് ആകാൻ വൈകുന്നതിനെ ചൊല്ലി ഭാര്യയുമായി നടത്തിയ വഴക്കിൽ മകൻ ഇടപെട്ടു.
ഇതിനിടെ അടുക്കളയിൽ ഉപയോഗിക്കുന്ന കത്തികൊണ്ട് മകന്റെ നെഞ്ചിൽ പിതാവ് കുത്തുകയായിരുന്നു. വാരിയെല്ലിന് പരിക്കേറ്റ ആദിത്യയെ ആശുപത്രിയിൽ പ്രവേശിപ്പിച്ചു. എഞ്ചിനീയേഴ്സ് ഇന്ത്യ ലിമിറ്റഡിൽ സീനിയർ മാനേജറായിരുന്നു അശോക്. 2019ലാണ് വിരമിച്ചത്. ഗുരുഗ്രാമില്‍ കംപ്യൂട്ടര്‍ എന്‍ജിനീയറാണ് ആദിത്യ സിങ്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
