ന്യൂഡല്‍ഹി: വന്ദേ ഭാരത് ട്രെയിനുകള്‍ക്ക് നേരെ കല്ലെറിഞ്ഞാല്‍ അഞ്ച് വര്‍ഷം വരെ തടവുശിക്ഷ ലഭിക്കാമെന്ന് ദക്ഷിണ റെയില്‍വെ. ട്രെയിനിന് നേരെ തെലങ്കാനയില്‍ അടുത്തതിടെ ഉണ്ടായ അക്രമ സംഭവങ്ങളുടെ പശ്ചാത്തലത്തിലാണ് റെയില്‍വെയുടെ മുന്നറിയിപ്പ്.
ഈ ജനുവരി മുതല്‍ ഒന്‍പതോളം അക്രമ സംഭവങ്ങളാണ് റിപ്പോര്‍ട്ട് ചെയ്തത്. ട്രെയിനിന് നേരെ കല്ലെറിയുന്നത് ക്രിമിനല്‍ കുറ്റമായി കണ്ട് റെയില്‍വെ ആക്ടിന്റെ 153 പ്രകാരം നിയമ നടപടിയെടുക്കുമെന്ന് ചൊവ്വാഴ്ച പുറത്തിറക്കിയ ഉത്തരവില്‍ പറഞ്ഞു. ഇതുവരെ 39 പേരെ ഈ വകുപ്പ് പ്രകാരം അറസ്റ്റ് ചെയ്തു. 2019 ഫെബ്രുവരി 15നാണ് വന്ദേ ഭാരത് എക്‌പ്രസ് പ്രധാന മന്ത്രി നരേന്ദ്ര മോദി ഫ്ലാഗ്‌ഓഫ് ചെയ്തത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
