താനെ: നാല്‍പ്പത്തിയാറായിരം രൂപയുടെ ഫോണ്‍ ഓണ്‍ലൈന്‍ വഴി ഓര്‍ഡര്‍ ചെയ്തയാള്‍ക്കു കിട്ടിയത് മൂന്നു കഷണം ബാര്‍ സോപ്പ്. മഹാരാഷ്ട്രയിലെ താനെയിലാണ് ഓണ്‍ലൈന്‍ പ്ലാറ്റ്‌ഫോം വഴി പര്‍ച്ചേസ് നടത്തിയ ആള്‍ തട്ടിപ്പിന് ഇരയായത്.
ഐഫോണാണ് ഇയാള്‍ ഓര്‍ഡര്‍ ചെയ്തിരുന്നത്. നവംബര്‍ 9ന് പാഴ്‌സല്‍ എത്തി തുറന്നു നോക്കിയപ്പോള്‍ കിട്ടിയത് മൂന്നു കട്ട ബാര്‍ സോപ്പ്. മൊബൈല്‍ ഫോണിന്റെ പെട്ടിയില്‍ ആയിരുന്നു സോപ്പുകട്ടകള്‍ വച്ചിരുന്നത്. ഉടനെ തന്നെ പൊലീസില്‍ പരാതി നല്‍കി.
പാഴ്‌സല്‍ ഇടയ്ക്കു വച്ചു തുറന്ന് ആരോ തട്ടിപ്പു നടത്തിയിരിക്കാമെന്നാണ് ഭയേന്ദര്‍ പൊലീസ് പറയുന്നത്. സംഭവത്തില്‍ അന്വേഷണം തുടങ്ങിയതായി പൊലീസ് പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
